Kus luhpia nani prura wal aimawan kat wal prawisa COVID 19

Upla nani Yahma bri bara sa, ai brinka brin ai watlara kaia Yahma ta kriki bara, mahka Covid 19 sainka nani kaiki bara, upla kum kum nani ba prura wal aimawan kat wal prawisa, bara wala nani sip anira taki waras ba pyua lui kan kata haspital plikisa tnatara pyuara pruwisa.

Yahma alkan uplika nani aihkika ba witin nanira Yahma sainka brin nani ba yahmika alkan sainka nani bri ba, aisi banghwan ta krikan ba siahka kum karna munisa, ai matira nani win, ninkara rihka yabisa karnika ba 38 pura kat yabisa, lal klahwanka wina tara bunhka latwanka, sakuna kau karna nani ba kasak swapanka munisa sip swin ai winka aitani puhbras, bara baha wina bila kaikanka apu takisa..

Bila kaikanka apu takma kaka pruma.

Pura luanka ba upla Yahmika bri nani ba yabrika bila kaikanka apu mita yaka ai pura luaia apia baha apia kaka prubia, tila wina kum ba mita aisan bila kaikanka api kama kaka, pruma, baha mita kupia kraukisna “Yabalka ba Dawan ra makabaia kaikanka yabaia bara makabaia bara lukankam ra bila kaikanka maikbia, ninka ba yang sin bri kapri lan takanka kum pasa yabaika lum yus munaia aima yuhmpa daukbia wal siahkika tikisa”.

Yahmika bri uplika ba matira karib wina yabi daknika bui makabi walan ai kupia krawi kan ti bara sika laya wala yus munikan bara ta baikisa yahmika aiska ra alki ba wina pura luaia.

Yahmika brikan uplika ba ai kupia krawisa aima wal karna munan witinra bila kaikanka apu tanira, baha wina kum ba sip aiwinka tihu palia puhbras kan siahka bui wan munan sip wan winka puhbras tanka kat, bara aitani sin apia…

“Baha ba winka puhbanka mai tikisa bara tanka kum saura wan swisa, ai dahra walikan pui auya, yang daira wali kapri pruna ki lukri bara yang aisi kapri pruna, yaptiki ra winri haspitalra aibri wabia dukiara, sakuna ai bri waras kan bara utlara aiswin bara bahara rauri.».

Yahmika brikan uplika nani ba pura uan nani bila wisa diara nani sut tila wina yabal kumi ba aiska ra alki yahmika patka wina pura luaia ba bila kaikanka briaia  sakuna kau pali ba kau Dawan wal ban kaia, pura sunanka dauki makabanka daukai waya   dahra walanka wal,bila kaiknak makabaia sap kaia pyua saura nani mapara buaia  yahmika kau palia karna wan muni pyuara, ti ba ban diaia sa,pilala lapta bara pasa yabi siahka sakaika sut ba aitanisa utlara bri kaia siahkika ba tikisa .

 953 rawi banghwan

Wina tara yamnika taura aimaki ba nicaragua ra, Martha Reyes, matira ulbanra kuntri aiskara televisión bakku sakan ra wisa, pat upla nani  55 pruan kuntri bilara coronavirus, mita  1464 nani ba brisa, 953 nanai ba rawan bara  511 kau yahmika wal sa kuntri bilara yahmika balan diman ba wina.

Comunicador/a Intercultural