Gobernador, Bilwi alcaldeka bara FSLN lukanka brih wapi nani li bui piska nanira sauhkan ba wapi kaiki banghwikan
Gabament taura aimaki brih klauna tasbayara ki ba Carlos Aleman Cunningham witin bila win COREPRED ba wina turbi kaikanka dauki aula pyua anira ban wina dia taki aula nanai ba dukiara bara taika nani kau swapnika bri nanai dukiara par ridi daukanka kum pat brisa, baha mita wilkanka nanai kum kum brisa tasba sirpi baiki sakanka gabament ka wal, aita baikisa wilkanka bakku taika nanai patka nai mayara brih waya paskanka nani sauhkan nanira.
Tasba sirpi baiki sakan Puerto Cabezas ra Earsly Patterson Garcia, bui win nahwala wina turbi kaikanka dauki aula pika nani kau swapnika bri nanira, poza azul, langkrek, el puente Nipco bara piska nani kau sauhkan nanira.
Li karma plapaika tara nani mani pyuara sut klin daukan klauna gabament ka wal wilkanka brin daukan bara 5 a klak titan wina klauna gabament daknika nani bara tasab sirpi baiki sakan daknika aikuki turbi kaikanka nani daukan sauhkanka ani ba kaikaia bara utla nani an pali sauhkan ba Lisamra dingkan naha tawankara.
Patterson Garcia aisan piska nanai sauhkan ba tawan ta nani el Cocal, kabu unra awala unra, bahara upla wapi luikaba sin brih wan aihtabaia pliska ra luaika ba, tawan ta poza azul, langkrek, tawan ta San Judas piska nanai bara puente Nipco baha nani ba kau sauhkanka bri ba naha tasab baiki sakanra.
Tasba sirpi baiki sakan Puerto Cabezas, alcaldeka Henry Herman Hernández, wapi kaikankara piska sauhkan nani ra witin kaikan tawan uplika nani aihni pali brin kaia ba wan lal kata pata kan dia piaia apu kabia ninkara.
Maisa pakan kan tawan uplika nani aihkika ba plun nitka brisa, ai nitka nani nani briaia dukiara, baku ba mita wilkanka nanai plikaia klauna gabament ka apiska wala nanai aikuki yabal nani wala plikaia.
LI AHWAN BUI SAUHKAN NANI
Kuntri aiskara kaina manas ridi daukaia, mayara brih waya bara sauhkanka nani pyua saura wina bali ba warkka alki daukaia (SINAPRED), mita maisa pakan li auhi nani ba utla nani 800 Lisamra dingkan, 24 utla nani ninkara aiska lisamra dingkan tilara prias watla sin kum, 1 utla kum ba kahwaia man sa.181 Liuhnta nani bara krahbaika watla 120 li banghwan.
BUT NANI KABURA WARK TAKAIA KAN BA ALKI TAKASKAN PYUA SAURA MITA
Naval distrtika ta uplika nani Caribe apis adarka kum ulbi sakan bara maisa paki kan turbi kaikanka bakku dauki kaikan pyu saura kum aula, kuntri bila aiskara sauhkanka ka bri balbia bara kabu cari ra sin yua li kati 19 ba wina, kabu ripka nani sunbia 2.7 a 3 mita nanai yua nani 19 26 karnika li ahwan,ahwi lui ban wabia wal wabia li karna auhbia, baha mita maisa pakan but nani sip wark daukaia taki waras,
but tara nanai ba bara sirpi nani sin.
Naval ta uplika nanai marikan carib ra baha sat warkka dauki nani kumi sin sip but brih satka kumi sin taki waras, kabura wark daukaia, baku waya brinka kabia ki nanaira waya lukanka bri kaka api ki wala nanira tawan lamara nani kabia.
Ta uplika nani marikan but nani ba kau kabu lalmara nanai kaina kahbanka satka sut alki daukai sa, ai rayaka nanai swaki sakaia dukiara bara wap karnika bri nani plikaia ninkara yaka inanka apu kabia dukiara.
Comunicador/a Intercultural
